ਵੀਰ ਪੰਜਾਬ ਡਾਟ ਕਾਮ ਵਲੋਂ ਪੰਜਾਬ ਪ੍ਰਦੇਸ਼ ਸਬੰਧੀ ਸੂਚਨਾ ਦਾ ਪਹਿਲਾ ਪੰਜਾਬੀ ਬਲਾਗ

ਸਤਿਕਾਰਯੋਗ ਪੰਜਾਬੀ ਭੈਣ ਜੀ ਅਤੇ ਵੀਰ ਜੀਓ

ਕੰਪਿਊਟਰ, ਸੂਚਨਾ ਯੰਤਰਾਂ ਅਤੇ ਇੰਟਰਨੈਟ ਦੀ ਵਰਤੋਂ ਨਾਲ ਸਾਡੇ ਜੀਵਨ ਦੇ ਹਰ ਇੱਕ ਖੇਤਰ ਵਿੱਚ ਤਰੱਕੀ ਦਾ ਰਾਹ ਖੁੱਲ੍ਹ ਗਿਆ ਹੈ। ਇੰਟਰਨੈਟ ਤੇ ਹਰ ਇੱਕ ਲਈ, ਹਰ ਤਰ੍ਹਾਂ ਦੀ ਸੂਚਨਾ ਉਪਲਬਧ ਹੈ। ਭਾਰਤ ਸਰਕਾਰ ਵਲੋਂ ਇੰਟਰਨੈਟ ਕੁਨੈਕਸ਼ਨ ਲਈ ਡਾਇਲ-ਅਪ ਅਤੇ ਬਰਾਡ-ਬੈਂਡ ਦੀ ਸੁਵਿਧਾ ਵਾਜਬ ਕੀਮਤਾਂ ਤੇ ਹਰ ਸ਼ਹਿਰ-ਪਿੰਡ ਵਿੱਚ ਉਪਲਬਧ ਕਰਵਾ ਦਿੱਤੀ ਹੈ।
ਕੇਂਦਰ ਸਰਕਾਰ, ਰਾਜ ਸਰਕਾਰ ਅਤੇ ਨਿੱਜੀ ਅਦਾਰਿਆਂ ਨੇ ਇੰਟਰਨੈਟ ਰਾਹੀਂ ਆਪਣੇ ਵਿਭਾਗਾਂ ਦੀਆਂ ਵੈਬ-ਸਾਈਟਾਂ ਪ੍ਰਕਾਸ਼ਤ ਕਰ ਕੇ ਨੈਟ ਤੇ ਆਪਣੀ ਹੋਂਦ ਵੀ ਦਰਜ ਕਰਾ ਲਈ ਹੈ, ਹੁਣ ਲੋੜ ਹੋ ਤਾਂ ਸਿਰਫ ਇਸ ਸੁਵਿਧਾ ਦਾ ਸਦ-ਉਪਯੋਗ ਕਰਨ ਵਾਲਿਆਂ ਦੀ। ਅਸੀਂ ਆਪ ਜੀ ਦਾ ਧਿਆਨ ਇੰਟਰਨੈਟ ਤੇ ਉਪਲਬਧ ਸੂਚਨਾ ਸਮਗਰੀ ਵੱਲ ਦਵਾਉਣਾ ਚਾਹੁੰਦੇ ਹਾਂ। ਇਨ੍ਹਾਂ ਅਦਾਰਿਆਂ ਵਲੋਂ ਦਿੱਤੀ ਗਈ ਸੂਚਨਾ ਦੀ ਵਰਤੋਂ ਉਸ ਢੰਗ ਨਾਲ ਕਰਨ ਵਿੱਚ ਆਮ ਸ਼ਹਿਰੀ ਅਤੇ ਪੇਂਡੂ ਨਾਗਰਿਕ ਨਾ-ਕਾਮਯਾਬ ਰਿਹਾ ਹੈ ਜਿਸ ਮੰਤਵ ਲਈ ਇਹ ਸੂਚਨਾ ਇਕੱਤਰ ਕੀਤੀ ਗਈ ਹੈ। ਇਸ ਦਾ ਮੁੱਖ ਕਾਰਨ ਇਹ ਹੈ ਕਿ ਇੰਟਰਨੈਟ ਤੇ ਪ੍ਰਕਾਸ਼ਤ ਕੀਤੀ ਗਈ ਸੂਚਨਾ ਸਿਰਫ ਅੰਗ੍ਰੇਜੀ ਭਾਸ਼ਾ ਵਿੱਚ ਹੈ, ਜਦ ਕਿ ਜੇ ਇਹ ਸੂਚਨਾ ਰਾਜ-ਭਾਸ਼ਾ ਵਿੱਚ ਉਪਲਬਧ ਹੋਵੇ ਤਾਂ ਹਰ ਨਾਗਰਿਕ ਇਸ ਦੀ ਵਰਤੋਂ ਸਹੀ ਢੰਗ ਨਾਲ ਕਰ ਕੇ ਆਪਣੇ ਆਪ ਨੂੰ ਆਧੁਨਿਕ ਯੁੱਗ ਨਾਲ ਜੁੜਿਆ ਮਹਿਸੂਸ ਕਰ ਸਕੇਗਾ । ਜਿਸ ਨਾਲ ਇੰਟਰਨੈਟ ਉਪਭੋਗਤਾਵਾਂ ਦੀ ਗਿਣਤੀ ਵਿੱਚ ਵੀ ਵਾਧਾ ਹੋ ਸਕੇਗਾ।
ਚੈਲੈਂਜਰਸ ਸਾਫਟਵੇਅਰ ਟੈਕਨੋਲੋਜੀਸ, ਚੰਡੀਗੜ੍ਹ ਨੇ ਵੈਬ-ਸਾਈਟਾਂ ਤੇ ਪ੍ਰਕਾਸ਼ਤ ਕੀਤੀ ਜਾਣ ਵਾਲੀ ਸੂਚਨਾ ਨੂੰ ਪੰਜਾਬੀ ਭਾਸ਼ਾ ਵਿੱਚ ਪ੍ਰਕਾਸ਼ਤ ਕਰਨ ਦਾ ਪਲੇਠਾ ਉਦੱਮ ਕੀਤਾ ਹੈ ਜਿਸ ਵਿੱਚ ਇੱਕ ਬਿਲਕੁਲ ਆਧੁਨਿਕ ਤਕਨੀਕ ਦੀ ਵਰਤੋਂ ਕਰਕੇ ਵੈਬ-ਸਾਈਟ ਪ੍ਰਕਾਸ਼ਤ ਕੀਤੀ ਜਾਂਦੀ ਹੈ ਅਤੇ ਇਸ ਨਾਲ ਉਪਲਬਧ ਸੂਚਨਾ ਵੇਖਣ/ਪੜ੍ਹਣ ਲਈ ਕੋਈ ਵੀ ਪੰਜਾਬੀ ਫੌਂਟ ਡਾਉਨਲੋਡ ਨਹੀਂ ਕਰਨਾ ਪੈਂਦਾ । ਇਥੇ ਇਹ ਵੀ ਵਰਨਣਯੋਗ ਹੈ ਕਿ ਵਿਸ਼ਵ-ਭਰ ਵਿੱਚ ਅਜਿਹੀ ਤਕਨੀਕ ਨਾਲ ਬਣਾਈਆਂ ਜਾਣ ਵਾਲੀਆਂ ਵੈਬ-ਸਾਈਟਾਂ ਦੀ ਗਿਣਤੀ ਅਜੇ ਤੱਕ ਮਾਮੂਲੀ ਜਿਹੀ ਹੈ। ਚੈਲੈਂਜਰਸ ਸਾਫਟਵੇਅਰ ਟੈਕਨੋਲੋਜੀਸ, ਚੰਡੀਗੜ੍ਹ ਵਲੋਂ ਇੱਕ ਨਵੀਂ ਵੈਬ-ਸਾਈਟ www.veerpunjab.com ਤਿਆਰ ਕੀਤੀ ਗਈ ਹੈ। ਜਿਸ ਵਿੱਚ ਜੀਵਨ ਦੇ ਹਰ ਖੇਤਰ ਬਾਰੇ ਸੂਚਨਾ ਪੰਜਾਬੀ ਭਾਸ਼ਾ ਵਿੱਚ ਉਪਲਬਧ ਕਰਵਾਉਣ ਦਾ ਯਤਨ ਕੀਤਾ ਜਾ ਰਿਹਾ ਹੈ। ਇਸ ਵੈਬ-ਸਾਈਟ ਲਈ ਹੋਰ ਵਧੇਰੇ ਸੂਚਨਾ ਪ੍ਰਕਾਸ਼ਤ ਕਰਨ ਦੀਆਂ ਤਿਆਰੀਆਂ ਜੰਗੀ-ਪੱਧਰ ਤੇ ਚੱਲ ਰਹੀਆਂ ਹਨ।
ਆਪ ਜੀ ਨੂੰ ਇਹ ਗੂਜਾਰਸ਼ ਹੈ ਕਿ ਆਪ ਚੈਲੈਂਜਰਸ ਸਾਫਟਵੇਅਰ ਟੈਕਨੋਲੋਜੀਸ ਵਲੋਂ ਕੀਤੇ ਜਾ ਰਹੇ ਯਤਨਾਂ ਵਿਚ ਆਪਣਾ ਯੋਗਦਾਨ ਪਾ ਕੇ (ਸੂਚਨਾ ਉਪਲਬਧ ਕਰਵਾ ਕੇ) www. veerpunjab.com ਵੈਬ-ਸਾਈਟ ਨੂੰ ਛੇਤੀ ਪੂਰਨ ਰੂਪ ਵਿਚ ਵਿਕਸਤ ਕਰਨ ਵਿਚ ਸਾਥ ਦੇਣ ਦੀ ਕ੍ਰਿਪਾਲਤਾ ਕਰਨੀ। ਅਸੀਂ ਆਪ ਜੀ ਦੇ ਇਸ ਉਪਰਾਲੇ ਲਈ ਤਹਿ-ਦਿਲੋਂ ਧੰਨਵਾਦੀ ਹੋਵਾਂਗੇ। ਇਸ ਨਾਲ ਹਰ ਨਾਗਰਿਕ ਵੈਬ-ਸਾਈਟ ਤੋਂ ਰਾਜ-ਭਾਸ਼ਾ ਵਿੱਚ ਸੂਚਨਾ ਪ੍ਰਾਪਤ ਕਰਕੇ ਲਾਭ ਲੈ ਸਕੇਗਾ ਅਤੇ ਆਪ ਜੀ ਦੇ ਸਹਿਯੋਗ ਨਾਲ ਸਾਡੇ ਸਾਰਿਆਂ ਵਲੋਂ ਆਪਣੀ ਮਾਤ-ਭਾਸ਼ਾ ਨੂੰ ਸੁਰਜੀਤ ਰੱਖਣ ਵਿਚ ਕੀਤੀ ਜਾ ਰਹੀ ਸੇਵਾ ਸਫ਼ਲ ਹੋਵੇਗੀ।
ਆਪ ਜੀ ਦੀ ਸੇਵਾ ਲਈ ਹਰ ਸਮੇਂ ਤਤੱਪਰ।
ਨਿਰਦੇਸ਼ਕ
ਚੈਲੈਂਜਰਸ ਸਾਫਟਵੇਅਰ ਟੈਕਨੋਲੋਜੀਸ
ਕ੍ਰਿਪਾ ਕਰਕੇ Info.punjab@gmail.com ਜਾਂ info@veerpunjab.com ਈ-ਮੇਲ ਜਾਂ +91-98766 86555 ਤੇ ਸੰਪਰਕ ਕਰੋ।